Isa ka ginapatihan vintage bomb ang natukiban sa isa ka quarry site sa Purok Lambunao, Barangay Magsaysay, ciudad sang Cadiz, Negros Occidental, Lunes, July 24, 2023.
Suno sa report sang pulis, nagakutkot si Rolly Pelongco gamit ang backhoe las 11 sang gab-i sa amo nga adlaw sang nakutkutan sini ang amo nga bomba.
Gilayon nga gin-contact sini ang otoridad kag nagpadulong sa lugar ang Explosive and Ordnance Disposal unit.
Pahayag sang otoridad nga ginapatihan isa ka M65 general purpose bomb ang natukiban nga gin-usar sang U.S. forces sadtong World War II.
Nagabug-at sang 1,000 pounds ukon masobra 453 kilograms ang amo nga bomba.
Sa karon ginbilin lamang sa lugar ang bomba bangud posible delikado ang pagbyahe sini.
Ginbutangan lamang ini sang duta sa palibut agud nga indi matandog kag ini ang gin-cordon.
Via iFM Bacolod
